Seljalandsvegur 36, Ísafjörður
49.000.000 Kr.
Einbýlishús
7 herb.
210,6 m2
49.000.000
Stofur
Herbergi
7
Baðherbergi
Svefnherbergi
Byggingaár
1968
Brunabótamat
58.880.000
Fasteignamat
27.000.000
Sjá allar myndir stórar Teikningar Senda á vin

Lýsing


LANDMARK fasteignamiðlun kynnir:  Falleg og mikið endurnýjað 210,6 fm einbýlishús á frábærum stað á Ísafirði, með óskertu útsýni yfir fjörðinn.  Íbúðarrými 188,4 fm og bílskúr 22,2 fm.  Aðeins göngufæri í íþróttahúsið, knattspyrnuvöll og menntaskólann.  Efri hæðin var að mestu gerð upp árið 2017, en þvottahúsið árið 2015 og baðherbergi í kjallara árið 2016 að sögn seljenda.

Húsið er á tveimur hæðum auk herbergis og geymslu í risi.  Innangengt í bílskúr á neðri hæð.  Framan við húsið er lítill garður og stétt. Stór sólstofa er aftan við húsið og þaðan er gengið út í stóran garð með verönd og rólum.
 

Á efri hæð hússins er stórt eldhúsrými, hjónaherbergi, baðherbergi, stofa, sólstofa og forstofa. Af efri hæðinni er stigi upp í risherbergi og fellistigi upp í geymslu í risi. Á neðri hæð hússins er stórt þvottahús, stórt svefnherbergi, minna svefnherbergi, baðherbergi og tvær kompur. Innangengt er frá neðri hæð í bílskúr. Framan við bílskúrinn er stór steinlögð innkeyrsla.

Eldhús og borðstofa eru í einu rými, með yfir fjögurra metra lofthæð þar sem hæst er, og er meðal þess sem gert var nýtt árið 2017. Eldhúsrýmið er um 65 fermetrar með stórri og góðri eldhúsinnréttingu, miklu skápaplássi og mjög stórri eldunareyju. Meðal annars er sérstakur stór skápur með ljósi, fyrir smærri heimilistæki og annar skápur með tenglum til að geyma og hlaða tölvur, prentara, síma og þess háttar. Allt rafmagn á hæðinni var líka endurnýjað og sett ný viðbótarrafmagnstafla sem er í eldhúsrými. Úr eldhúsrýminu eru nýjar dyr út á bílskúrsþakið. Hitalögn (í einangrunarplötum) í gólfi og parket (fljótandi eik) er á eldhúsrými, stiga, holi, forstofu og stofu, lagt 2017. Sólstofa er með flísalögðu gólfi og hita í gólfi. Tvær hurðar eru á sólstofu, sitt hvoru megin, þar sem gengið er út í garðinn, einnig er hægt að renna gluggum á langhlið hennar til hliðar og opna þannig út í garðinn.

Af efri hæð er gengið niður nokkur steypt þrep (teppalagt 2015) niður á neðri hæð. Þar er stórt þvottahús með flotuðu, epoxy-lökkuðu gólfi (2015). Nýr varmaskiptir fyrir neysluvatn var settur í húsið 2016 og er hann staðsettur í lítilli kompu á neðri hæð ásamt ljósleiðarainntaki, og stýringu fyrir gólfhita á efri hæð. Önnur lítil kompa er á neðri hæð þar sem er rafmagnsinntak/tafla, þar er einnig ágætis geymslurými. Tvö góð herbergi eru á neðri hæð, sem snúa út að götu, með útsýni yfir fjörðinn. Annað herbergið er mjög stórt og hitt minna, lítill laus fataskápur er í minna herberginu og annar á gangi fyrir framan herbergin. Nýuppgert (2016) flísalagt baðherbergi er á neðri hæð með rúmgóðri sturtu, upphengdu wc , litlum vaskaskáp og handklæðaofni. Lítil forstofa er á neðri hæð þar sem innangengt er í bílskúrinn og hægt að ganga út úr húsinu. Neðri hæðin gefur möguleika á að gera aukaíbúð til útleigu þar sem lagnir fyrir eldhús eru til staðar í stærra herberginu.

Plastparket er á gólfum í herbergjum og á gangi á neðri hæð, flísar á baði og í forstofu.

Upplýsingar veitir Sigurður Samúelsson Lgf í síma 896-2312 eða ss@landmark.is
----------------------------------------------------------





Senda fyrirspurn vegna

Seljalandsvegur 36

CAPTCHA code


Sigurður Samúelsson
Löggiltur fasteignasali og eigandi -