Granaskjól 62, Reykjavík
128.900.000 Kr.
Einbýlishús
7 herb.
230 m2
128.900.000
Stofur
2
Herbergi
7
Baðherbergi
2
Svefnherbergi
5
Byggingaár
1982
Brunabótamat
68.300.000
Fasteignamat
104.500.000
Sjá allar myndir stórar Teikningar Senda á vin

Lýsing


EIGNIN ER SELD
Landmark Kaupsýslan fasteignamiðlun og Monika Hjálmtýsdóttir lögg. fasteignasali kynnir:
Einstaklega bjart og fallegt sjö herbergja, 230,0 m2 einbýlishús á tveimur hæðum við Granaskjól 62 í Reykjavík. Eignin er innarlega í botnlanga, sérlega vel staðsett á besta stað í vesturbæ Reykjavíkur. Garðurinn umhverfis húsið er gróinn og fallegur og er sólpallur út frá stofu. Stórt grænt svæði er inn af bakgarði sem er í sameign húsanna í kring auk sameignlegra bílastæða. Bílaplanið fyrir framan húsið er hellulagt með hitalögnum og tveimur bílastæðum. 

Eignin skiptist í forstofu, fimm svefnherbergi (þar af eitt í bílskúr), gestasalerni, baðherbergi, eldhús, tvær stofur, sjónvarpshol, geymslu/búr og þvottahús. Mikil lofthæð er í húsinu með hallandi þaki sem gefur því sérstaklega fallegan blæ og mikla birtu. Millipallur er í tveimur svefnherbergjum með stiga upp, fataherbergi er innaf hjónaherbergi (undir súð), geymsla er innaf baðherbergi (undir súð). Húsið er mjög vel skipulagt og er hver fermeter í húsinu vel nýttur og því ljóst að töluverðir nýtanlegir fermetrar eru til viðbótar við skráða fermetra. 

Forstofa er flísalögð, inngengt í forstofuherbergi. 
Forstofuherbergi er útbúið úr bílskúrnum, léttur veggur hefur verið settur upp við bílskúrhurð sem er enn til staðar. Parket á gólfi. 
Hol er flísalagt. Þaðan er stigi upp á efri hæð hússins, til hægri er gengið inn á gang, þar er gestasalerni, geymsla/búr, og útgengi í garð austan megin. 
Gestasalerni hefur verið uppgert, það er með flísalagt og með mosaik flísum á vegg, upphengdu salerni og fallegum hvítum vaski. 
Búr eða geymsla er bakvið eldhús, með hillum. 
Þvottahús er með tengi fyrir þvottavél og þurrkara og hillum á vegg. 
Eldhús er stórt og bjart með mikilli lofthæð yfir borðstofu. Eldhúsinnrétting var endurnýjuð árið 2007 og er með hvítri háglans innréttingu með góðu skáparými, granít stein á borðum og upp veggi og Siemens tækjum. Stór bakarofn, span helluborð og háfur úr burstuðu stáli. Auka bakarofn í vinnuhæð. Tengi fyrir tvöfaldan ísskáp. Flísar á gólfi. Vegghengd innrétting er við borðstofu í stíl við eldhúsinnréttingu. 
Borðstofa er einstaklega björt og er lofthæð mikil og nær upp að þakgluggum efri hæðar. 
Stofa er björt og rúmgóð, parket á gólfi. 
Auka stofa er björt með flísum á gólfi. Þar eru útveggir steyptir og gluggar á framhlið þaðan sem gott útgengi er á verönd í suður. 

Gengið er upp stiga á efri hæð hússins sem er einstaklega björt með miklum þakgluggum sem endurnýjaðir voru að hluta fyrir um 15-20 árum. Uppi eru þrjú barnaherbergi, sjónvarpshol, baðherbergi og hjónaherbergi.

Barnaherbergin tvö eru rúmgóð með aukinni lofthæð, milliloft úr harðvið með stiga upp með góðum nýtingarmöguleikum, með gluggum upp við þak.  
Barnaherbergi hið þriðja er nýtt sem fataherbergi með góðum hvítum háglans fataskápum sem fylgja. 
Hjónaherbergi er bjart og rúmgott með mikilli lofthæð, fyrir innan undir súð er fataherbergi. Úr hjónaherbergi er útgengi á austur svalir. 
Baðherbergi er með endurnýjaðri baðinnréttingu með tveimur vöskum, salerni, sturtuklefa, baðkari og handklæðaofni. Flísar á gólfi og veggjum, nema undir súð þar sem geymsla er innaf. Árið 2018 var hurð út á svalir tekin niður og nýr gluggi settur í staðinn og veggurinn flísalagður. 
Sjónvarpshol er staðsett undir súð og nýtist þar vel. 

Um er að ræða einstaklega bjart og fallegt fjölskylduhús á afar góðum stað innarlega í botnlanga við Granaskjól 62 í vesturbæ Reykjavíkur. KR íþróttasvæðið er í stuttu göngufæri ásamt Grandaskóla og Vesturbæjarlaug. 

Allar nánari upplýsingar veitir Monika Hjálmtýsdóttir, lögg. fasteignasali, s: 823 2800, monika@landmark.is




Senda fyrirspurn vegna

Granaskjól 62

CAPTCHA code


Monika Hjálmtýsdóttir
Löggiltur fasteignasali og eigandi